Af hverju þetta námskeið?
Það er mjög mikilvægt, hafi maður tekið að sér að vera með mannaforráð, að gera það eins og best verður á kosið – fyrir þig, þitt fólk og árangur vinnustaðarins.
Það er líka oft sagt að helsta ástæða þess að fólk hættir á vinnustað sé samband við næsta yfirmann og því mikilvægt að vel takist til.
Góð stjórnun eykur frammistöðu, virkni og starfsánægju, dregur úr starfsmannaveltu – og eykur almennt vellíðan og árangur allra.
Markmið námskeiðsins
Að námskeiði loknu hafa þátttakendur:
- Öðlast betri skilning á mikilvægi starfsgreiningar og tengsl hennar og undirstöðu fyrir marga aðra þætti mannauðsstjórnunar
- Lært hagnýtar og fjölbreyttar aðferðir við ráðningar
- Lært um mikilvægi góðar nýliðamóttöku (e. onboarding)
- Lært um skilvirkar aðferðir frammistöðustjórnunar
- Áttað sig betur á mikilvægi stöðugrar sí- og endurmenntunar og almennrar starfsþróunar
- Fengið betri skilning á hvatningu og umbun
- Lært betur um hvað þarf helst að hafa í huga og passa upp á þegar kemur að starfslokum starfsfólks
- Fengið innsýn inn í allt hitt, varðandi það að hafa mannaforráð, allt það persónubundna og mannlega sem getur komið upp
Fyrir hverja?
- Millistjórnendur
- Teymisstjóra
- Verkstjóra
- Vaktstjóra
- Verkefnastjóra
- Almenna stjórnendur með mannaforráð
Leiðbeinandi
Herdís Pála Pálsdóttir
Herdís Pála Pálsdóttir hefur starfað við stjórnun og mannauðsmál með ýmsum hætti, hérlendis og erlendis, frá árinu 2000.
Allan þann tíma hefur hún gert mikið af því að fylgjast með nýjustu rannsóknum og skrifum þegar kemur að góðri stjórnun og framtíð vinnu.
Hún er meðhöfundur bókarinnar Völdunarhús tækifæranna, sem kom út árið 2021, og fjallar um framtíðina á vinnumarkaði.
Hún hefur kennt leiðtogafræði, stjórnun og mannauðsfræði við HR, HÍ og Bifröst.
Herdís Pála er með MBA-gráðu, með áherslu á mannauðsstjórnun, frá University of New Haven, í USA og hefur lokið námi í stjórnendamarkþjálfun frá HR.