Sagan okkar
Dokkan er stofnuð árið 2010 þegar stofnandinn og fyrrverandi eigandi, Martha Árnadóttir, sá gat á markaðnum fyrir að veita hnitmiðaða og hagnýta fræðslu, út af því sem brann á fólki á hverjum tíma, og fá fólk úr atvinnulífinu, háskólaumhverfinu og víðar til að deila þekkingu, reynslu, árangurssögum o.fl.
Dokkan hefur þróast mikið frá stofnun, alltaf með það að markmiði að mæta þörfum Dokkufélaga og aðstoða þau við að búa sig undir framtíðina, að viðhalda og auka atvinnuhæfni, bæta lífið á vinnustaðnum og veita fræðslu um hæfni sem talið er að þurfi til að dafna í samfélagi framtíðarinnar. Með stafrænum vettvangi gátum við tengt bestu sérfræðinga landsins við starfsfólk hvar sem er — frá Akureyri til Vestmannaeyja, frá litlum til stórra vinnustaða.
„Sí- og endurmenntun er ekki bara mikilvæg, heldur líka áríðandi. Sí- og endurmenntun er ekki val, heldur ábyrgð. "
Í dag þjónar Dokkan vel á annað hundrað vinnustöðum og þúsundum starfsfólks um allt land. Fundir okkar leiða saman sérfræðinga og áhugasamt starfsfólk í lifandi samtölum um leiðtogafærni, mannauðsmál, samskipti, vellíðan, verklag og tækni. Upptökur eru svo aðgengilegar svo enginn missi af og öll geti lært þegar þeim hentar.
Við höldum áfram að vaxa — en markmiðið er alltaf það sama: styrkja vinnustaði og einstaklinga með þekkingu sem skiptir máli.
