Hvað er verkefnaskráarstýring og af hverju skiptir hún máli?

Á Dokkufundinum fáum við að skyggnast inn í verkefnastjórnun og hagnýtingu hennar hjá Orku náttúrunnar – en verkefnaskráarstýring snýst um að skapa heildaryfirsýn yfir öll verkefni fyrirtækisins, tryggja forgangsröðun og tengingu við stefnu.

Við fáum að vita hvað verkefnaskráarstýring felur í sér og af hverju hún skiptir máli. Jafnframt fáum við að vita hvernig ON hefur þróað þessa nálgun á undanförnum árum – frá fyrstu skrefum í að safna upplýsingum og greina stöðu, til þess að innleiða markviss ferli og tæki sem styðja við stefnumiðaða verkefnastjórnun.

Hver verður með okkur?

Kristín Guðmundsdóttir, deildarstjóri verkefnastofu hjá Orku náttúrunnar.

Kristín er með MS gráðu í iðnaðarverkfræði og um tíu ára reynslu innan fyrirtækisins. Hún hefur sérhæft sig í verkefnaskráarstýringu, þróun ferla og umbótum á verklagi, hún brennur fyrir faglegri verkefnastjórnun, skýrum ferlum og því að styðja verkefnastjóra til árangurs.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.