Sálfræði peninganna: Getum við tekið betri og meðvitaðri ákvarðanir?

Langar þig að vita meira um mannlegu hlið peninganna og skilja betur af hverju þú átt í svona flóknu tilfinningalegu sambandi við peninga?

Þá er þessi Dokkufundur eitthvað fyrir þig, því hér verða helstu hugmyndir bókarinnar Sálfræði peninganna kynntar og settar í íslenskt samhengi.

Bókin kom nýlega út á íslensku og skaust beint inná metsölulista Pennans-Eymundssonar og trónir, þegar þetta er skrifað, á toppi handbóka/fræðibóka. Hér er á ferðinni bók sem fjallar EKKI um hvernig á að “sigra markaðinn” eða verða ríkur á einni nóttu. Þetta er bók um hegðun, viðhorf og sjálfsþekkingu – og þar af leiðandi um hvernig við getum tekið betri og meðvitaðri ákvarðanir.

Hverjir verða með okkur?

Kristrún Tinna Gunnarsdóttir og Georg Lúðvíksson

Ásamt því að hafa mikla reynslu af persónulegum fjármálum, ákváðu þau að þýða bókina þar sem þeim fannst hún eiga sérstaklega mikið erindi við Íslendinga.

Kristrún Tinna á LinkedIn

Georg á LinkedIn

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.