Tvinnustaður: Fjarvinnustefna og framkvæmd hjá Advania

Advania brást hratt við breyttum aðstæðum í upphafi heimsfaraldurs árið 2020 og hefur viðhorf gagnvart fjarvinnu og líðan starfsfólks verið könnuð ört síðastliðin tvö árin.
Í dag og til frambúðar verður Advania tvinnustaður þar sem starfsfólki gefst kostur á að blanda saman vinnu á starfsstöð fyrirtækisins og vinnu að heiman, á kaffihúsi eða í raun hvar sem er.

Til að tvinnustaðurinn virki sem best hefur verið lögð áhersla á að skapa ramma utan um tvinnustaðinn sem býður uppá sveigjanleika, mætir ólíkum þörfum starfsfólks, en dregur jafnframt fram kosti bæði þess að hittast í persónu og að geta unnið hvar sem er.

Farið verður yfir þá stefnu sem Advania hefur sett varðandi tvinnu og góð ráð um breyttar áherslur í stjórnun á tvinnustað.

Hver verða með okkur?

• Hinrik Sigurður Jóhannesson, framkvæmdastjóri, mannauður og ferlar
• Sigrún Ósk Jakobsdóttir, mannauðsstjóri

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.