Eitruð vinnustaðamenning – orsök og afleiðingar

Á þessum Dokkufundi, þar sem fjallað verður um “eitraða vinnustaðamenningu” (e. Toxic Workplace-culture) verður kafað ofan í persónuleikaþætti, menningu og skipulagshönnun.

Komið verður inn á afleiðingar eitraðrar vinnustaðamenningar á heilsu og líf fólks. Einnig streitu vegna vinnuálags og hvernig má draga úr henni.

Hver verður með okkur?

Hildur Jakobína Gísladóttir vinnusálfræðingur. Hún er með MSc. í klínískri sálfræði og einnig MBA menntun.

Hún er stjórnendamarkþjálfi, eigandi Officium ehf. og starfar sem vinnustaðaráðgjafi hjá Köru Konnect, ásamt því að sinna ráðgjöf á Velferðartorgi Köru Connect.

Hildur Jakobína býr og starfar bæði á á Íslandi og í Hollandi og slær hjarta hennar hraðast í vinnusálfræðinni, því þar liggur hennar ástríða.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.